30.567
Bearbeitungen
Änderungen
Dat Heimatleed
==Dat Heimatleed van Wulfen==
Zur Melodie: Strömt herbei ihr Völkerscharen
1. Wulfen, an de Stroat geleägen,
de Napoleon hett baut,
wu hett sienen Namen kriegen? -
watt het Wulfen öwerhaupt? -
Fröher doa wassen Wülfe massig
in de groten Büske hier.
: Düsse Biester wöärn nich spaßlich,
ganz geföärlich wass dat Dier! ::
2. Doch en Mann vull Mot un Kräfte
bauen sick en Schloß so grot,
um dat Hus ne deipe Gräfte,
häss he nu de Burg harr proat.
Dann gonk he de Wülf tau Liewe,
schott se alle musedot,
: leit dann in sien Wappen maken
nen Wulfskopp witt, de Tunge rot. ::
3. He nannt sich Wulfhem, well siet Joahren
Hier dat Heem de Wülfe wass,
un nü können ungeschoaren
sick Lüe anbaun an düssen Plass.
Dorp un Kiärk, datt ganze Kiäspel
iss all möählik so entstoahn.
: Un Wulfen hett nu usse Kiäspel,
Wulfen grot un Wulfen schön. ::
4. Grote Felder, Wiesk und Wälder
wesselt metenander aff;
in de brune Hee Wacholder,
dicke Eicken, stark unn straff.
De Wienbeck unn de Hambeck fleitet
döär dat schöne Land doaheär;
: unn den gräunen Jäger scheitet
Has, Kanin unn Hirsch unn Rehr. ::
5. Un de Lüe´e, de hier liäwet,
sünt ganz flietig, trüe unn brav ;
de Bueren schafft op öährem Eärwe
van morgens freih büß oabends lat.
Im Winter schlacht se öähre Schwiene,
makt Schinken, Mettwoarst, Woarstebrot.
: Datt hölt Liew unn Seel beneene,
giew oak Kraft unn starken Mot. ::
6. Ett iss hier ook wull te kriegen
nen ollen Kloaren, ´nen godd Glas Beer.
Doa sünt wie oak nich te tiegen,
wann het möätig drunken weärd.
Tüshaus, Mergen brennt den Kloaren,
Rose braut dat brune Beer,
: un öwwerall, wohen set´t schicket,
loawt man dat Gedränke sehr. ::
7. Joa, mien Wulfen, büss so prächtig,
büss joa doch mien Heimatland.
Ik leiwe die so stark unn mächtig
wull büss an den Liäwensrand.
Stiärw ich enmoal, dann begrawt mie
in Wulfen, in mien Heimatdorp.
: Joa, in Wulfen will ick liäwen,
in Wulfen oak begrawen sien. ::
Vom Hauptlehrer B. Bartmann,<br>
Abgedruckt in [[800 Jahre Gemeinde Wulfen]], S. 218
==Wulfen==